Գլխավոր էջ Նորություններ «Քաղաքացիական հասարակության դիտորդական առաքելությունների դերը Հայաստանի ժողովրդավարացման գործընթացում»
Նորություններ
2017 Հոկ
11

«Քաղաքացիական հասարակության դիտորդական առաքելությունների դերը Հայաստանի ժողովրդավարացման գործընթացում»

ԹԻՀԿ ընտրական ծրագրերի համակարգող Արմեն Գրիգորյանի վերոնշյալ հոդվածը հրապարակվել է «Կովկասյան վերլուծական դայջեստ» (Caucasus Analytical Digest) ամսագրում: Այն նպատակ ունի վերլուծել քաղաքացիական հասարակության դիտորդական առաքելությունների ազդեցությունը համապետական և ՏԻՄ ընտրությունների վրա, քանի որ դիտորդական առաքելություններն առանցքային նշանակություն ունեն ընտրական ինստիտուտների զարգացման և ընտրությունների նկատմամբ հանրային վստահության ավելացման գործում:

Թեպետ քաղաքացիական դիտորդական առաքելությունները Հայաստանում շատ հետխորհրդային երկրների համեմատ ավելի ուշ են ձևավորվել, դրանք կարճ ժամանակահատվածում արագընթաց զարգացում են ապրել: Հոդվածն ուսումնասիրում է, թե ինչպես է ընտրությունների դիտորդությունն ազդում ընտրական և ժողովրդավարացման գործընթացների վրա Հայաստանում: Այն նաև ուսումնասիրում է վարչական ռեսուրսի չարաշահումը իշխող կուսակցության և իր դաշնակիցների կողմից, ինչպես նաև ընտրության արդյունքների վրա դրա ազդեցությունը:  

Տես հոդվածը Caucasus Analytical Digest-ի կայքում, էջ 8-12