Ազատություն ռադիոկայան. Ցուցակների հրապարակումն արգելող «Սահմանադրական դատարանի վճիռ չկա»
ՀՀ Ազգային ժողովի նախագահի տեղակալ Էդուարդ Շարմազանովը Ազատություն ռադիոկայանին տված հարցազրույցում պնդել էր, թե իշխանությունը չի հրապարակելու ընտրություններին մասնակցած անձանց ցուցակները, քանի որ չի ուզում խախտել ՀՀ Սահմանադրական դատարանի որոշումը: Այս առնչությամբ Թրանսփարենսի ինթերնեշնլ հակակոռուպցիոն կենտրոնի (ԹԻՀԿ) իրավախորհրդատու Հերիքնազ Տիգրանյանը նշել է՝ Սահմանադրական դատարանը 2012 թ. կայացրած որոշման մեջ հղում անում է Վենետիկի հանձնաժողովի այն դիրքորոշմանը, ըստ որի, ընտրություններին մասնակցած անձանց ցուցակները հրապարակման ենթակա չեն, սակայն, միևնույն ժամանակ, դատարանն իր որոշմամբ չի արգելում այդ ցուցակների հրապարակումը:
«Չկա հստակ դրույթ այն մասին, որ ընտրողների ցուցակների հրապարակումը կդիտվի որպես հակասահմանադրական գործողություն»,- ասել է իրավաբանը: Ազատություն ռադիոկայանի հարցին՝ ուրեմն կարելի՞ է պնդել, որ իշխանությունը կարող է նոր Ընտրական օրենսգրքում ընդգրկել ցուցակների հրապարակումը թույլատրող դրույթ, Հերիքնազ Տիգրանյանը պատասխանել է՝ «Այո»:
Տես Ազատություն ռադիոկայանի նյութը: