Գլխավոր էջ Նորություններ «Հայաստանում Օրհուսի կոնվենցիայի կիրարկման հետ կապված խնդիրները» թեմայով քննարկում
Նորություններ
2006 Մայ
12

«Հայաստանում Օրհուսի կոնվենցիայի կիրարկման հետ կապված խնդիրները» թեմայով քննարկում

«Հայաստանում Օրհուսի կոնվենցիայի կիրարկման հետ կապված խնդիրները» թեմայով քննարկում

Ս.թ. մայիսի 10-ին «ՏԶԿ/ԹԻ-Հայաստան», «Ա.Դ.Սախարովի անվ. մարդու իրավունքների պաշտպանության հայկական կենտրոն» և «Հայկական բուսաբանական ընկերություն» հասարակական կազմակերպությունները անցկացրեցին կլոր սեղան Բնապահպանական տեղեկատվության հասարակական կենտրոնում (Օրհուսի կենտրոն): Միջոցառման նպատակն էր քննարկել Դալմայի այգիների կառուցապատման գործով որոշումների ընդունման գործընթացի կապակցությամբ Օրհուսի կոնվենցիայի համապատասխանության հանձնաժողովի եզրակացությունների և առաջարկությունների իրականացմանը նպատակաուղղված հնարավոր միջոցառումները: Հանդիպմանը ներկա էին շահագրգիռ պետական կառույցների և հասարակական կազմակերպությունների ներկայացուցիչներ, որոնք արտահայտեցին իրենց տեսակետը: Միջոցառմանը նշվեց, որ ս.թ. ապրիլի 28-ին ՀՀ վարչապետը, հիմնվելով վերոհիշյալ ՀԿ-ների դիմումի վրա, ՀՀ բնապահպանության նախարարին, ՀՀ քաղաքաշինության նախարարին, ՀՀ գյուղատնտեսության նախարարին, ՀՀ կառավարությանն առընթեր անշարժ գույքի կադաստրի պետական կոմիտեի նախագահին և Երևանի քաղաքապետին արդեն իսկ տվել է հանձնարարական 20-օրյա ժամկետում կազմակերպելու համատեղ քննարկում և ներկայացնելու առաջարկություններ բարձրացրած խնդիրների լուծման ուղղությամբ` մասնակից դարձնելով ՀԿ-ների ներկայացուցիչներին:

Մանրամասները տես մեր կայքում` նախաձեռնությունների տակ