Գլխավոր էջ Նորություններ

Նորություններ

Մամուլի ասուլիս` ամփոփելու Երևանի, Գյումրիի և Վանաձորի ՇՊԱԿ-ների մեկ ու կես տարվա գործունեությունը
25.06.2010

Մամուլի ասուլիս` ամփոփելու Երևանի, Գյումրիի և Վանաձորի ՇՊԱԿ-ների մեկ ու կես տարվա գործունեությունը

Ս. թ. հունիսի 25-ին «Շահերի պաշտպանության և աջակցության հակակոռուպցիոն կենտրոններ Երևանում, Գյումրիում և Վանաձորում» ծրագրի ղեկավար Սոնա Այվազյանը և համակարգողներ Լևոն Բարսեղյանն ու Արթուր Սաքունցը «Ուրբաթ» ակումբում հրավիրված մամուլի ասուլիսի ընթացքում ներկայացրել են Երևանի, Շիրակի ու Լոռու մարզերի ՇՊԱԿ-ների մեկ ու կես տարվա գործունեությունը:


Քաղաքացիական հասարակության դերը. ի՞նչ կարելի է անել ջանքերն ավելի արդյունավետ դարձնելու համար
10.06.2010

Քաղաքացիական հասարակության դերը. ի՞նչ կարելի է անել ջանքերն ավելի արդյունավետ դարձնելու համար

Ս. թ. հունիսի 10-ին Ամալյա Կոստանյանը մասնակցել է Արևելաեվրոպական հետազոտությունների գերմանական ընկերակցության, Եվրասիա համագործակցություն հիմնադրամի և Ռոբերտ Բոշ հիմնադրամի կազմակերպած «ԵՄ-ն ու քաղաքացիական հասարակությունը Հարավային Կովկասում. համատեղ ջանք հանուն կայուն խաղաղության» կոնֆերանսին: Բեռլինում կայացած կոնֆերանսը քննության է առել քաղաքացիական հասարակության դերը խաղաղության կառուցման նոր պայմաններում:


Երկու աշխարհների սահմանագծի՞ն. Հայաստանը 21-րդ դարում
09.06.2010

Երկու աշխարհների սահմանագծի՞ն. Հայաստանը 21-րդ դարում

Ս.թ. հունիսի 9-ին Թրանսփարենսի Ինթերնեշնլ հակակոռուպցիոն կենտրոնի նախագահ Ամալյա Կոստանյանը հանդես է եկել բանախոսությամբ Բրյուսելում կայացած սեմինարի` մարդու իրավունքներին և քաղաքացիական հասարակությանը նվիրված փորձագիտական քննարկման ընթացքում: Քննության են առնվել քաղաքական կոռուպցիան, իրավախախտումները, քաղաքացիական հասարակության և կառավարության համագործակցությանն ու լրատվամիջոցներին առնչվող խնդիրներ: Եվրոպայի լիբերալների և դեմոկրատների դաշինքի կողմից կազմակերպված միջոցառման ընթացքում առաջատար իրավապաշտպաններն ու քաղաքական մեկնաբանները փորձագիտական վերլուծության են ենթարկել Հայաստանի առջև ծառացած մարտահրավերները:


Փորձ է արվում ճնշելու այլակարծության ցանկացած դրսևորում
02.06.2010

Փորձ է արվում ճնշելու այլակարծության ցանկացած դրսևորում

2010 թ. մայիսի 28-ից մինչ օրս Հայաստանի իշխանությունները, շարունակելով 2008թ. իրենց գործելաոճը, հանձինս հատուկ ծառայությունների և ոստիկանության, ապօրինաբար խոչընդոտում են ընդդիմության ներկայացուցիչների մուտքը Երևանի «Ազատության» հրապարակ: Օրենքի ակնհայտ խախտումով, ցինիզմի հասնող պատճառաբանություններով, ոտնահարվում է Հայաստանի քաղաքացիների ազատ տեղաշարժի իրավունքը մայրաքաղաքի մի տարածքում` ըստ քաղաքական պատկանելության:


Հայաստանի քաղաքացիական հասարակության կազմակերպությունները պահանջում են
02.06.2010

Հայաստանի քաղաքացիական հասարակության կազմակերպությունները պահանջում են

2010 թ. մայիսի 10-ին ԵՄ Ընդհանուր հարցերով խորհուրդը հաստատեց ԵՄ-ի կողմից Հայաստանի հետ ասոցացման համաձայնագրի բանակցություններ սկսելու հանձնարարականները: Նշվում է, որ ԵՄ-ի և Հարավային Կովկասի երկրների միջև հարաբերությունների խորացման ուղղությամբ առաջընթացը պետք է հիմնված լինի ընդհանուր արժեքների ու սկզբունքների, այդ թվում` ժողովրդավարության, օրենքի գերակայության և մարդու իրավունքների նկատմամբ հարգանքի վրա:


Անընդունելի է
01.06.2010

Անընդունելի է

Թրանսփարենսի Ինթերնեշնլ հակակոռուպցիոն կենտրոնը միացել է մի շարք ՀԿ-ների հայտարարությանը` իրենց բողոքն արտահայտելով Երևանի Ազատության հրապարակում ոստիկանության ձեռնարկած գործողությունների դեմ: «2010թ. մայիսի 31-ին իր մասնագիտական պարտականությունները կատարելիս բերման է ենթարկվել, ապա և ձերբակալվել «Հայկական ժամանակ» օրաթերթի լրագրող Անի Գևորգյանը: Վերջինիս նկատմամբ քրեական գործ է հարուցվել ՀՀ քրեական օրենսգրքի 316-րդ` «Իշխանության ներկայացուցչի նկատմամբ բռնություն գործադրելը» հոդվածի 1-ին մասով: Թե ինչպես է 22-ամյա աղջիկը բռնություն գործադրել ոստիկանների նկատմամբ, անհայտ է մնում:


Հայաստանում կոռուպցիայի դեմ պայքարի իրականացման արդյունավետությունը
15.05.2010

Հայաստանում կոռուպցիայի դեմ պայքարի իրականացման արդյունավետությունը

Ս.թ. մայիսի 15-ին Ազատություն ռադիոկայանի «Տեսակետների խաչմերուկ» հաղորդման հյուրեր Թրանսփարենսի Ինթերնեշնլ հակակոռուպցիոն կենտրոնի նախագահ Ամալյա Կոստանյանը և ՀՀ ԱԺ Եվրոպական ինտեգրման հարցերի մշտական հանձնաժողովի անդամ, ՀՅԴ խմբակցության պատգամավոր Ռուզաննա Առաքելյանը անդրադարձել են վերջին շրջանում հրապարակված մի քանի զեկույցների, որոնցում գնահատական է տրված Հայաստանում կոռուպցիայի դեմ պայքարի իրականացմանը և Եվրոպական հարևանության քաղաքականության շրջանակում գործողությունների ծրագրով (ԵՀՔ ԳԾ) Հայաստանի ստանձնած այլ պարտավորությունների կատարմանը:


Տեր լինենք մեր քաղաքին
14.05.2010

Տեր լինենք մեր քաղաքին

Ս.թ. մայիսի 14-ին Թրանսփարենսի Ինթերնեշնլ հակակոռուպցիոն կենտրոնը մի խումբ երիտասարդ ակտիվիստների, բնապահպանների ու այլ ՀԿ ներկայացուցիչների հետ մասնակցել է շինհրապարակի վերածված Ուսանողական այգու կառուցապատման դեմ բողոքի լուռ ակցիային: Նախաձեռնող խմբի պահանջն էր դադարեցնել Տերյան փողոցին հարող հատվածում, Ազգային գրադարանի դիմաց, և Աբովյան փողոցի կողմից վերջերս տեղադրված Վիկտոր Համբարձումյանի արձանի հարևանությամբ շինարարությունը, վերականգնել այգին և վերադարձնել այն իրական տերերին` Երևանի բնակիչներին:


Օրակարգում էին արդյունավետ կառավարումն ու հակակոռուպցիոն բարեփոխումները
12.05.2010

Օրակարգում էին արդյունավետ կառավարումն ու հակակոռուպցիոն բարեփոխումները

Ս.թ. մայիսի 12-ից 15-ը Թրանսփարենսի Ինթերնեշնլ հակակոռուպցիոն կենտրոնի գործադիր տնօրեն Վարուժան Հոկտանյանը մասնակցել է Տիրանայում կայացած ԹԻ Եվրոպայի և Կենտրոնական Ասիայի տարածաշրջանային ամենամյա համաժողովին: Մայիսի 12-ին նա ներկա է եղել «Խոչընդոտել կոռուպցիան. արդյո՞ք ԵՄ-ն խթանում է կայուն հակակոռուպցիոն բարեփոխումներին» միջազգային կոնֆերանսին: Կոնֆերանսի ընթացքում քննարկված հիմնահարցերից էին ԵՄ-ն և միջազգային ֆինանսական օգնությունը. ինչպե՞ս ապահովել թափանցիկություն, թափանցիկությունը կուսակցությունում, տեղական ինքնակառավարման ֆինանսավորումը և անկախ դատական համակարգը որպես կոռուպցիայի կրճատման երաշխի՞ք:


Հարավային Կովկասը պետք է  դիմակայի հակակոռուպցիոն մարտահրավերին
06.05.2010

Հարավային Կովկասը պետք է դիմակայի հակակոռուպցիոն մարտահրավերին

Բրյուսել, 6 մայիսի, 2010թ. Համաձայն Թրանսփարենսի Ինթերնեշնլ (ԹԻ) համաշխարհային հակակոռուպցիոն կազմակերպության կողմից այսօր հրապարակված գնահատման երեք նոր զեկույցների` Հայաստանը, Ադրբեջանն ու Վրաստանը պետք է ընդունեն կոռուպցիայի դեմ պայքարին ուղղված ավելի խիստ օրենքներ և հիմնովին իրականացնեն դրանք` նշված հիմնախնդրի առումով առաջընթաց ապահովելու նպատակով: ԹԻ մասնաճյուղերի կողմից կազմված զեկույցներում հատուկ ուշադրություն է դարձվել այդ երկրներից յուրաքանչյուրում դատական իշխանության և հանրային ոլորտի բարեփոխումների վրա: Նրանցում նաև գնահատվել է, թե յուրաքանչյուր երկիր որքանով է համապատասխանում միջազգային հակակոռուպցիոն կոնվենցիաներին և որքանով է իրականացնում ԳՐԵԿՈ-ի հանձնարարականները: