Գլխավոր էջ Նորություններ

Նորություններ

128 կազմակերպությունների  կոչը Կոռուպցիայի դեմ ՄԱԿ-ի կոնվենցիայի արդյունավետ վերահսկման մեխանիզմի վերաբերյալ
12.05.2009

128 կազմակերպությունների կոչը Կոռուպցիայի դեմ ՄԱԿ-ի կոնվենցիայի արդյունավետ վերահսկման մեխանիզմի վերաբերյալ

Թրանսփարենսի Ինթերնեշնլ հակակոռուպցիոն կենտրոնը միացել է Քաղաքացիական հասարակության կազմակերպությունների դաշինքի կոչին` ս.թ. նոյեմբերին Դոհայում կայանալիք Կոռուպցիայի դեմ ՄԱԿ-ի կոնվենցիայի անդամ երկրների երրորդ կոնֆերանսի ընթացքում արդյունավետ վերահսկման մեխանիզմ ընդունելու վերաբերյալ: Ընդգծելով քաղաքացիական հասարակության կարևորությունը և նրա ներգրավվածությունը վերահսկման ցանկացած գործընթացում, Դաշինքը մասնավորապես կառավարություններին հիշեցնում է քաղաքացիական հասարակության մասնակցությանը աջակցելու և նրանից առաջարկություններ ստանալու իրենց ստանձնած պարտավորությունների մասին:


YES բանավեճի ակումբ ծրագիրը նպաստում է  դպրոցականների միջև երկխոսությանը
07.05.2009

YES բանավեճի ակումբ ծրագիրը նպաստում է դպրոցականների միջև երկխոսությանը

Ս.թ. մայիսի 7-ին Թրանսփարենսի Ինթերնեշնլ հակակոռուպցիոն կենտրոնի ծրագրի տնօրեն Վարուժան Հոկտանյանը բանավեճի հանրապետական մրցաշարի կիսաեզրափակիչ փուլում հանդես է եկել որպես ժյուրիի անդամ «ՀՀ-ում ընտրված քաղաքական գործիչները հաշվետու են ընտրողների առջև» թեմայով բանավեճի ընթացքում` «Երիտասարդությունը ներգրավված հասարակության մեջ» ծրագրի անդամ դպրոցականների մասնակցությամբ: Մայիսի 6-ից 7-ին տեղի ունեցած մրցաշարի ընթացքում 14 թիմ ավելի քան 100 մասնակցով, բանավիճել են քաղաքացիական հասարակությանն առնչվող 4 թեմայի շուրջ:


ԹԻՀԿ-ը հանդես է եկել Արևելյան գործընկերության գագաթնաժողովին ուղղված առաջարկություններով
05.05.2009

ԹԻՀԿ-ը հանդես է եկել Արևելյան գործընկերության գագաթնաժողովին ուղղված առաջարկություններով

Ս.թ. մայիսի 5-6-ին Պրահայում կայացած միջազգային գիտաժողովի ընթացքում Թրանսփարենսի Ինթերնեշնլ հակակոռուպցիոն կենտրոնի նախագահ Ամալյա Կոստանյանը, որպես Հայաստանի քաղաքացիական հասարակությունը ներկայացնող հրավիրված փորձագետ, հանդես է եկել ժողովրդավարությանը, արդյունավետ կառավարմանն ու մարդու իրավունքներին նվիրված առաջարկություններով: Գիտաժողովի հիմնական նպատակը ԵՄ անդամ երկրների և Արևելյան գործընկերների միջև երկխոսության ծավալման դյուրացումն էր և դրա դինամիկ զարգացմանն ուղղված հատուկ առաջարկությունները` այդ նախաձեռնության կարևորության, բովանդակության ու իրականացման վերաբերյալ:


ԹԻՀԿ դիտողությունները և առաջարկությունները 2009-2012 թթ.. ՀՌԻՄԾ IV և V գլխի վերաբերյալ
05.05.2009

ԹԻՀԿ դիտողությունները և առաջարկությունները 2009-2012 թթ.. ՀՌԻՄԾ IV և V գլխի վերաբերյալ

Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) հանդես է եկել դիտողություններով և առաջարկություններով ՀՀ Հակակոռուպցիոն ռազմավարության և դրա իրականացման միջոցառումների ծրագրի (ՀՌԻՄԾ) նախագծի յուրաքանչյուր գլխի վերաբերյալ, որոնք զետեղվել են կազմակերպության կայքէջի Մեկնաբանություններ բաժնում: ԹԻՀԿ դիտողություններն ու առաջարկությունները 2009-2012 թթ. ՀՌԻՄԾ IV և V գլխի վերաբերյալ ներկայացված են ստորև:


Լրագրողները` կոռուպցիայի զոհերի աչքերը, ականջներն ու ձայնը
03.05.2009

Լրագրողները` կոռուպցիայի զոհերի աչքերը, ականջներն ու ձայնը

Համաձայն Մարդու իրավունքների համընդհանուր հռչակագրի` ամեն ոք ունի համոզմունքները ազատորեն արտահայտելու իրավունք: Աշխարհի տարբեր վայրերում սույն հիմնարար իրավունքը խախտվում է կասկածելի օրենսդրությամբ, գրաքննությամբ, հալածանքներով, սպառնալիքներով, անգամ մահվամբ: Լրագրողների պաշտպանության կոմիտեն հաշվարկել է, որ 1992-ից ի վեր իրենց աշատանքի բերումով ուղղակի պատժամիջոցների արդյունքում սպանված 734 լրագրողների 20,3 տոկոսը հանդես էր եկել կոռուպցիայի վերաբերյալ հաղորդմամբ:


Բնապահպանական ՀԿ-ներն` ընդդեմ Սևանը էկոլոգիական աղետի գոտու վերածման
15.04.2009

Բնապահպանական ՀԿ-ներն` ընդդեմ Սևանը էկոլոգիական աղետի գոտու վերածման

Ս.թ. ապրիլի 15-ին Էկոլոգիական հասարակական դաշինքը կազմակերպվել էր «Գեոպրոմայնինգ» ընկերության նախաձեռնությամբ Սևանի ավազանում ոսկու կորզման ֆաբրիկայի տեղադրման հայեցակարգի հասարակական քննարկում: Հրավիրված պետական գերատեսչությունների ներկայացուցիչներից շատերը բացակայում էին: Շահագրգիռ ՀԿ-ները ներկայացրեցին բնապահպանական վտանգները, որոնք, սպառնում են Հայաստանին Սևանի ավազանում ոսկու վերամշակման գործարանի կառուցման դեպքում:


ՀՄՀ-Հայաստան համաձայնագրի իրականացման հեռանկարները Հայաստանում
08.04.2009

ՀՄՀ-Հայաստան համաձայնագրի իրականացման հեռանկարները Հայաստանում

Ս.թ ապրիլի 8-ին Թրանսփարենսի Ինթերնեշնլ հակակոռուպցիոն կենտրոնի նախագահ Ամալյա Կոստանյանը մասնակցել է Հազարամյակի մարտահրավեր հիմնադրամ-Հայաստան համաձայնագրի իրականացման հեռանկարներին նվիրված քննարկմանը, որը կազմակերպել էր Գործընկերություն հանուն բաց հասարակության նախաձեռնությունը: Նա վերլուծության է ենթարկել «արդար կառավարում» ոլորտի, մասնավորապես քաղաքական իրավունքների, քաղաքացիական ազատությունների և կոռուպցիայի վերահսկման ու այլ չափորոշիչներին Հայաստանի լիարժեք չբավարարելու վերաբերյալ Հազարամյակի մարտահրավեր կորպորացիայի (ՀՄԿ) գնահատականը:


Կաշառակերություն` թեժ թեմա եթերում
05.04.2009

Կաշառակերություն` թեժ թեմա եթերում

Ս.թ. ապրիլի 5-ին «Ա1+» հեռուստաընկերության «Կիրակի» լրատվական վերլուծական հաղորդման հյուրերն էին Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) նախագահ Ամալյա Կոստանյանն ու ՀՀ ոստիկանության ԿՀԴՊ ԳՎ կոռուպցիայի և տնտեսական գործունեության դեմ ուղղված հանցագործությունների դեմ պայքարի վարչության պետի տեղակալ Գառնիկ Ղալիջանյանը: Նրանք քննարկման են ենթարկել կաշառարության հանդեպ մարդկանց վերաբերմունքն ու ընկալումները, այդ արատավոր երևույթի բացահայտման ու դրա դեմ պայքարին ուղղված քայլերը, համապատասխան օրենսդրությունը և այլ հարցեր:


Մարդու իրավունքների վերաբերյալ կոնֆերանսի հետագա զարգացումը
04.04.2009

Մարդու իրավունքների վերաբերյալ կոնֆերանսի հետագա զարգացումը

«Մամուլի ակումբ» հաղորդաշարի ս.թ. ապրիլի 4-ի հաղորդումը «Երկիր մեդիա» հեռուստաընկերության եթերում նվիրված էր մարդու իրավունքներին Հայաստանում` հատուկ ուշադրություն դարձնելով վերջերս տեղի ունեցած նույնանուն կոնֆերանսի վրա: Հաղորդաշարը կազմակերպել էր Երևանի մամուլի ակումբը` (ԵՄԱ) Բաց հասարակության ինստիտուտի մարդու իրավունքների և կառավարման ցանցային ծրագրի աջակցությամբ: Հաղորդաշարը վարող ԵՄԱ-ի նախագահ Բորիս Նավասարդյանի հյուրերն էին Թրանսփարենսի Ինթերնեշնլ հակակոռուպցիոն կենտրոնի նախագահ Ամալյա Կոստանյանը, Հայաստանի հելսինկյան կոմիտեի նախագահ Ավետիք Իշխանյանը և «Հայոց աշխարհ» օրաթերթի լրագրող Արթուր Հովհաննիսյանը:


Պահանջվում են կոռուպցիայի դեմ պայքարի մեկ միլիոն աջակիցներ
02.04.2009

Պահանջվում են կոռուպցիայի դեմ պայքարի մեկ միլիոն աջակիցներ

Եվրախորհրդարանի մի շարք անդամներ նախաձեռնել են պահանջագրի ստորագրահավաք խորհրդարանի բոլոր խմբակցությունների շրջանում` Եվրահանձնաժողովի և Եվրամիության անդամ երկրներին կոչ անելով հանդես գալ կոռուպցայի դեմ պայքարին ուղղված օրենսդրությամբ և մեխանիզմների մշակմամբ: Պահանջագրին աջակցում են Թրանսփարենսի Ինթերնեշնլ և Գլոբալ Ուիթնես միջազգային կազմակերպությունները` նպատակ ունենալով հավաքել մեկ միլիոն ստորագրություն: Ուստի, խնդրում ենք մեկ րոպե տրանադրել ստորագրելու www.stopcorruption.eu հասցեում տեղակայված պահանջագիրը և այն տարածել Ձեր գործընկերների ու համախոհների շրջանում: