Գլխավոր էջ Նորություններ

Նորություններ

ԵՄ անդամակցության գործընթացի և հարևանության քաղաքականության դասերը որպես հակակոռուպցիոն բարեփոխումներին օժանդակելու միջոց
15.06.2009

ԵՄ անդամակցության գործընթացի և հարևանության քաղաքականության դասերը որպես հակակոռուպցիոն բարեփոխումներին օժանդակելու միջոց

Ս.թ. հունիսի 15-ից 17-ը Թրանսփարենսի Ինթերնեշնլ հակակոռուպցիոն կենտրոնի նախագահ Ամալյա Կոստանյանը և գործադիր տնօրեն Վարուժան Հոկտանյանը Մակեդոնիայի Օհրիդ քաղաքում մասնակցել են ԹԻ Եվրոպայի և Կենտրոնական Ասիայի տարածաշրջանային ամենամյա 6-րդ համաժողովին: Մակեդոնիայի կառավարության համագործակցությամբ` ԹԻ կազմակերպած համաժողովին ներկա էին ավելի քան 45 երկրների շուրջ 200 պատվիրակներ, ներառյալ հանրային և մասնավոր հատվածի, քաղաքացիական հասարակության ներկայացուցիչներ, փորձագետներ, ակտիվիստներ:


Երևանի ավագանու ընտրությունների դիտարկման հաշվետվություն
12.06.2009

Երևանի ավագանու ընտրությունների դիտարկման հաշվետվություն

Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) նախաձեռնությամբ և Հելսինկյան քաղաքացիական ասամբլեայի Վանաձորի գրասենյակի ու Ժուռնալիստների «Ասպարեզ» ակումբի մասնակցությամբ 2009թ. մայիսի 31-ին անցկացվել է Երևանի ավագանու ընտրությունների դիտարկում 8-րդ ընտրատարածքի 33 ընտրատեղամասերում: Դիտորդական առաքելությունը իրականացվել է 50 հոգիանոց կամավորների խմբի միջոցով: Սույն հաշվետվությունը ներառում է ընտրության օրվա ընթացքում դիտորդների կողմից արձանագրված, հաճախ կրկնվող փաստերի ամփոփում և դրանց վրա հիմնված որոշ վիճակագրական տվյալների ներկայացում:


«Ա1+»-ի ուղիղ աուդիո հեռարձակում. խայտառակ ընտրություններ
10.06.2009

«Ա1+»-ի ուղիղ աուդիո հեռարձակում. խայտառակ ընտրություններ

Թրանսփարենսի Ինթերնեշնլ հակակոռուպցիոն կենտրոնի նախագահ Ամալյա Կոստանյանը «Ա1+»-ին տված հարցազրույցի ընթացքում հայտնել է, որ Երևանի ավագանու ընտրություններն ուղեկցվել են աննախադեպ ընտրակեղծիքներով: Մալաթիա-Սեբաստայի 8-րդ ընտրատարածքը յուրահատուկ էր խախտումների բացահայտ բնույթով: Կեղծարարներն այնքան ցինիկ էին, որ չէին էլ ուզում դիտորդներից որևէ բան թաքցնել: Բացահայտ քննարկում էին ինչ տոկոսների շուրջ են պայմանավորվել կուսակցությունները, բացահայտ լցոնում էր, բացահայտ կուտակումներ, սպառնալիքներ, ահաբեկում և նույնիսկ դիտորդների կաշառք էին առաջարկում:


Բողոքի ցույց` Շրջակա միջավայրի համաշխարհային օրը
05.06.2009

Բողոքի ցույց` Շրջակա միջավայրի համաշխարհային օրը

Թեղուտի պաշտպանության խումբը Շրջակա միջավայրի համաշխարհային օրը 2009-ին նշել է բնապահպանական բողոքի ցույցով: Նրանք երթ էին կազմակերպել` բարձրաձայնելով Թեղուտի, Սևանի և էկոլոգիական աղետի ենթակա այլ շրջանների առջև ծառացած ցավոտ հիմնախնդիրները: Բնապահպան ակտիվիստները կոչ են արել կառավարությանը վերջ տալ ծառահատումներին և ստեղծել կանաչ ու մաքուր միջավայր` առողջ ապրելակերպի համար: Երթը մեկնարկել է կոնսերվատորիայի մոտից, անցնելով մայրաքաղաքի գլխավոր փողոցներով, ավարտվել է նույն տեղում:


Հայցադիմում ընդդեմ Թեղուտի հանքավայրի շահագործման որոշման
03.06.2009

Հայցադիմում ընդդեմ Թեղուտի հանքավայրի շահագործման որոշման

Ս. թ. հունիսի 3-ին Թրանսփարենսի Ինթերնեշնլ հակակոռուպցիոն կենտրոնի ծրագրի ղեկավար Սոնա Այվազյանը ելույթով հանդես է եկել Ուրբաթ ակումբում տեղի ունեցած մամուլի ասուլիսի ժամանակ: Նա անդրադարձել է Թեղուտի հանքավայրի շահագործման` կառավարության որոշման դեմ հայցադիմումին: «Վալեքս» ընկերությունը, որը մրցութային կարգով ստացել է 25 տարով Թեղուտի հանքավայրի շահագործման լիցենզիան, արդեն սկսել է շահագործման նախատապատրաստական աշխատանքներ տանել:


Կոռուպցիայի համաշխարհային բարոմետր 2009թ.
03.06.2009

Կոռուպցիայի համաշխարհային բարոմետր 2009թ.

«Թրանսփարենսի Ինթերնեշնլ» (ԹԻ) միջազգային հակակոռուպցիոն շարժման` «Կոռուպցիայի համաշխարհային բարոմետր 2009թ.» հասարակական կարծիքի համաշխարհային հարցման մասնակիցների ավելի քան կեսը (54%) հավատացած է, որ գործարար ոլորտի ներկայացուցիչներն օգտագործում են կաշառքը հանրային քաղաքականության, օրենքների ու կանոնակարգերի վրա ազդելու նպատակով, կամ այլ կերպ ասած` տեղի է ունենում նրանց կողմից պետության զավթում: Ինչպես երևում է Պատկեր 1-ից, այս ընկալումը, մասնավորապես, մեծ տարածում ունի հարցման մեջ ներգրավված ԱՊՀ պետություններում (Հայաստան, Ադրբեջան, Բելառուս, Վրաստան, Մոլդովա, Ռուսաստան և Ուկրաինա). այդ երկրներում պետության զավթման առկայության վերաբերյալ նշել է հարցման ենթարկվածների ավելի քան 70%-ը:


Հայաստանում ընտրական համակարգի վախճանը որպես ինստիտուտ
01.06.2009

Հայաստանում ընտրական համակարգի վախճանը որպես ինստիտուտ

Ս. թ. հունիսի 1-ին Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) անց է կացրել մամուլի ասուլիս` ներկայացնելու նախորդ օրը Երևանի ավագանու ընտրությունների ընթացքում Մալաթիա-Սեբաստիա համայնքի 8-րդ ընտրատարածքի 33 տեղամասերում 50 դիտորդների իրականացրած ընտրական առաքելության նախնական գնահատականը: ԹԻՀԿ նախագահ Ամալյա Կոստանյանը նշել է.«Մենք ականատես եղանք Հայաստանում ընտրական համակարգի վախճանին որպես ինստիտուտ: Պարզվեց, որ փոխարենը կլանային և թաղային հեղինակությունների ինստիտուտն է ուժեղ և «գործուն»»:


Շիրակի մարզի ՇՊԱԿ-ն անց է կացրել մամուլի ասուլիս
20.05.2009

Շիրակի մարզի ՇՊԱԿ-ն անց է կացրել մամուլի ասուլիս

Շիրակի մարզի Շահերի պաշտպանության և աջակցության կենտրոնը (ՇՊԱԿ) ս.թ. մայիսի 20-ին հրավիրել էր մամուլի ասուլիս` ներկայացնելու կենտրոնի 6-ամսյա գործունեությունը: ՇՊԱԿ դիմողների թիվը 2008 թվի հոկտեմբերի 9-ից սկսած կազմել է 105: Ստացված ահազանգերի և օգնության խնդրանքներին արձագանքելով` կազմվել է 5 բողոք և 10 դիմում: Նախաձեռնվել է շահերի պաշտպանության 3 դատական գործ` դպրոցի խորհրդի նախագահն ընդդեմ Շիրակի մարզպետի, դպրոցի խորհրդի անդամն ընդդեմ Շիրակի մարզպետի, դպրոցի խորհրդի անդամն ընդդեմ ՀՀ ԴԱՀԿ ԱԾ Շիրակի մարզային բաժնի:


Քաղաքացին ընդդեմ զինդատախազության
19.05.2009

Քաղաքացին ընդդեմ զինդատախազության

Անահիտ Խաչատրյանի սկեսրայրը` սկսած 1960-ականներից, տիրապետել է Երևան քաղաքի Աղբյուր Սերոբի 52 հասցեում գտնվող ավելի քան 1500 քմ հողատարածքը: Նրա և նրա ընտանիքի անդամների ջանքերով ամայի տարածությունը վեր է ածվել մրգատու այգու, վրան էլ տուն է կառուցվել: 2003թ. սկսած Խաչատրյանների ընտանիքը դիմել է իրավասու պետական մարմիններին այդ հողատարածքը սեփականացնելու խնդրանքով, սակայն, բախվելով բյուրոկրատական-կոռուպցիոն համակարգի հարուցած արգելքներին, հարցը մնացել է չլուծված: Չորս տարի անց միայն` 2007թ. նոյեմբերի 23-ին, Խաչատրյանների ընտանիքին հաջողվել է Անահիտ Խաչատրյանի անունով (սկեսրայրն այդ ընթացքում մահացել է) սեփականաշնորհել տարածքի մի մասը` 466 քառ. մ. և տունը: Հողամասի մնացած` մեծ մասը Երևանի քաղաքապետը ուղղակի վաճառքով վաճառել է ՀՀ ՊՆ աշխատակից ոմն Խաչիկ Դավթյանի, որն էլ հետագայում վերավաճառել է «Փայտգրիգ» ՍՊԸ-ին:


Հավաքների ազատության մոնիտորինգի բացահայտումներն ու փորձը
13.05.2009

Հավաքների ազատության մոնիտորինգի բացահայտումներն ու փորձը

Ս. թ. մայիսի 13-ից 14-ը Թրանսփարենսի Ինթերնեշնլ հակակոռուպցիոն կենտրոնի նախագահ Ամալյա Կոստանյանը և ծրագրի ղեկավար Սոնա Այվազյանը մասնակցել են ամփոփիչ սեմինարի` ներկայացնելու հավաքների ազատության մոնիտորինգի բացահայտումների և փորձի տեսությունն ու պլանավորելու մոնիտորինգի իրականացումն ապագայում: Սեմինարն անց է կացվել հավաքների ազատության մոնիտորինգի ոլորտում իրավապաշտպանների կարողությունների զարգացման դասընթացի ծրագրի շրջանակում: Դասընթացը նպատակ ուներ աջակցել իրավապաշտպաններին դիտարկելու Հայաստանում հավաքների ազատության օրենսդրությունն ու միջազգային չափանիշների գործնականում կիրառումը: