Գլխավոր էջ Նորություններ

Նորություններ

Հայ ժողովուրդը բարձր է գնահատում խոսքի ազատությանը
25.03.2008

Հայ ժողովուրդը բարձր է գնահատում խոսքի ազատությանը

Ըստ Խոսքի ազատության և ԳԱԼԱ հեռուստաընկերության պաշտպանության շտաբի, ս. թ. մարտի 25-ի ժամը 17:15-ին ԳԱԼԱ հեռուստաընկերության հիմնադիր «ՉԱՊ» ՍՊԸ-ն կարողացավ ԴԱՀԿ-ին վճարել ՀՀ կառավարությանն առընթեր Հարկային պետական ծառայության սահմանած և ՀՀ Վարչական դատարանի ձևակերպած 26.899.986 դրամ (մոտ 90.000 ԱՄՆ դոլար) «պարտքը»: Համահայկական հանգանակությանը մասնակցել են Քաղաքացիական հասարակությունը ներկայացնող տարբեր սոցիալական խմբերի ավելի քան 10 հազար մարդ, որոնց մի մասը երբևէ չի դիտել ԳԱԼԱ-յի հաղորդունները:


ՀԿ-ները դատապարտում են հանցավոր ոտնձգությունը
21.03.2008

ՀԿ-ները դատապարտում են հանցավոր ոտնձգությունը

Ս. թ. մարտի 19-ին Գյումրիում մեկնարկել է Հայաստանի միակ` ԳԱԼԱ անկախ հեռուստաընկերությանը ֆինանսապես աջակցելու դրամահավաք-մարաթոնը` առանց պատշաճ հիմքերի Հայաստանի հարկային մարմինների սահմանած մոտ 27 միլիոն դրամ տույժուտուգանքը վճարելու նպատակով: Մի քանի օրից հրկիզվել և վնասվել է Խոսքի ազատության և ԳԱԼԱ հեռուստաընկերության պաշտպանության շտաբի համակարգող և Գյումրիի «Ասպարեզ» ակումբի խորհրդի նախագահ Լևոն Բարսեղյանի տրամադրության տակ գտնվող ավտոմեքենան:


Քաղաքացիական հասարակությունը չի ընկրկելու իշխանությունների կամայականությունների ու բռնաճնշումների առջև
20.03.2008

Քաղաքացիական հասարակությունը չի ընկրկելու իշխանությունների կամայականությունների ու բռնաճնշումների առջև

Թրանսփարենսի ինթերնեշնլ հակակոռուպցիոն կենտրոնը (ԹԻՀԿ), ինչպես նաև քաղաքացիական հասարակությունը ներկայացնող այլ կազմակերպություններ, վրդովված հետընտրական զարգացումներով, ներառյալ վերջերս կատարված բռնությունը, կամայական ձերբակալությունները, արտակարգ դրությունը, հավաքների ու մամուլի սահմանափակումները, հանդես են եկել համատեղ հայտարարությամբ: Օրեր առաջ ԹԻՀԿ-ը միացել էր տեղեկատվական ոլորտում օրինականության և արտակարգ դրության ռեժիմի բազմաթիվ խախտումների վերաբերյալ մեկ այլ հայտարարության:


Արտակարգ դրություն
03.03.2008

Արտակարգ դրություն

ՀՀ Նախագահի մարտի 1-ի հրամանագրով Երևան քաղաքում 20-օրյա ժամկետով հայտարարվել է արտակարգ դրություն, ինչի կապակցությամբ www.transparency.am կայքը ժամանակավորապես սառեցնում է իր գործունեությունը:


Քաղաքացիական հասարակությունը մտահոգված է կեղծված ընտրությամբ
29.02.2008

Քաղաքացիական հասարակությունը մտահոգված է կեղծված ընտրությամբ

Ս. թ. փետրվարի 29-ին Թրանսփարենսի ինթերնեշնլ հակակոռուպցիոն կենտրոնի նախագահ Ամալյա Կոստանյանը Գոլդեն Թյուլիփ Երևան հյուրանոցում կայացած համատեղ մամուլի ասուլիսին ներկայացրել է 2008թ. ՀՀ նախագահի ընտրությունների ընթացքում կազմակերպության իրականացրած թեկնածուների նախընտրական քարոզչության ֆինանսավորման մոնիտորինգի արդյունքները: Մոնիտորինգի նախնական արդյունքների համաձայն` ՀՀ Ընտրական օրենսգրքի 79.4 հոդվածով` նախընտրական քարոզչության իրականացման համար թույլատրված 70 մլն դրամը գերազանցվել է թեկնածուներ Սերժ Սարգսյանի և Վահան Հովհաննիսյանի կողմից:


Հայաստանյան ՀԿ-ները դատապարտում են
26.02.2008

Հայաստանյան ՀԿ-ները դատապարտում են

Թրանսփարենսի Ինթերնեշնլ հակակոռուպցիոն կենտրոնը, Ժուռնալիստների «Ասպարեզ» ակումբը և Հելսինկյան քաղաքացիական ասամբլեայի Վանաձորի գրասենյակը ս. թ. փետրվարի 26-ին հանդես են եկել հայտարարությամբ, որում ասված է. «Մենք մեղադրում ենք ՀՀ իշխանություններին հերթական կեղծված ընտրությունների համար, որոնք ուղեկցվել են օրենքի — մարդու իրավունքների կոպիտ խախտումներով ինչպես նախընտրական շրջանում, այնպես էլ քվեարկության օրը և ետընտրական շաբաթվա ընթացքում»:


«Կիրակի» հաղորդումն անդրադարձել է ընտրական գործընթացներին
14.02.2008

«Կիրակի» հաղորդումն անդրադարձել է ընտրական գործընթացներին

Ս.թ. փետրվարի 14-ին «Ա1+» հեռուստաընկերության «Կիրակի» լրատվական վերլուծական հաղորդման հյուրն էր «ՏԶԿ/ԹԻ-Հայաստան» ՀԿ նախագահ Ամալյա Կոստանյանը: Ի պատասխան հարցերին` նա անդրադարձել է նախընտրական քարոզչության խախտումներին, ընտրողների` ազատ ընտրության հնարավորություններին, ընտրական օրենսդրության նոր փոփոխություններին, և այլն: «Կիրակի» հաղորդումը հեռաձակվում է շաբաթվա յոթերորդ օրը «Համասփյուռ» ցանցով` Հայաստանի մարզերի 11 հեռուստակայաններով:


Հաղորդաշարը ցուցադրվում է
09.02.2008

Հաղորդաշարը ցուցադրվում է

Ս. թ. փետրվարի 9-ից 17-ը «Երկիր մեդիա» հեռուստաընկերությունը հեռարձակում է «ՏԶԿ/ԹԻ-Հայաստան» ՀԿ-ի` ՀՀ-ում Մեծ Բրիտանիայի դեսպանության աջակցությամբ կազմակերպած «Իմ հարցը ապագա նախագահին» նախագծի հաղորդումների շարքը: Հաղորդաշարը նախագահի թեկնածուներին եզակի հնարավորություն է ընձեռել իրենց ուղերձն արտահայտել երիտասարդ սերնդին: Իրենց հերթին, ավարտական դասարանի աշակերտներին վիճակվել է ոչ միայն հարց ուղղել նախագահի պաշտոնին հավակնող թեկնածուներին, այլև գնահատել զրույցներն ու հանդիպումները:


Բալիի կոնֆերանս. նոր զարգացումներ
01.02.2008

Բալիի կոնֆերանս. նոր զարգացումներ

«Թրանսփարենսի Ինթերնեշնլ» կազմակերպությունը և քաղաքացիական հասարակության հակակոռուպցիոն կոալիցիան Բալիի միջազգային հակակոռուպցիոն կոնֆերանսում ՄԱԿ-ի «Կոռուպցիայի դեմ պայքարի մասին» կոնվենցիայի կիրարկման ուղղությամբ երկրների ցուցանիշները գնահատելու հարցում անհամաձայնությունը դիտարկել են որպես հետընթաց: Դա նշանակում է, որ կոնվենցիայի վերաբերյալ կոնկրետ քայլեր կձեռնարկվեն 2009թ. վերջին կայանալիք հաջորդ կոնֆերանսի ընթացքում` փաստաթուղթն ընդունելուց 6 տարի հետո միայն:


ՄԱԿ-ի «Կոռուպցիայի դեմ պայքարի մասին» կոնվենցիայի անդամ երկրների երկրորդ կոնֆերանսը
28.01.2008

ՄԱԿ-ի «Կոռուպցիայի դեմ պայքարի մասին» կոնվենցիայի անդամ երկրների երկրորդ կոնֆերանսը

«Թրանսփարենսի Ինթերնեշնլ» համաշխարհային հակակոռուպցիոն կոալիցիայի պատվիրակության կազմում «ՏԶԿ/ԹԻ-Հայաստան» ՀԿ նախագահ Ամալյա Կոստանյանը ս.թ. 28-ից փետրվարի 1-ը մասնակցել է Ինդոնեզիայի Բալի կղզում կազմակերպված ՄԱԿ-ի «Կոռուպցիայի դեմ պայքարի մասին» կոնվենցիայի անդամ երկրների երկրորդ կոնֆերանսին: Կոնֆերանսի առաջնահերթ թեմաներն էին կոնվենցիայի իրականացման մոնիտորինգը, կոռումպացված ղեկավարների հափշտակած ունեցվածքի վերականգնումը և ցածր եկամուտ ունեցող երկրներին տրամադրվող տեխնիկական օգնությունը: