Գլխավոր էջ Նորություններ

Նորություններ

2008թ. ԿԸՀ-ն վեր է հանել աղքատության, չկայացած ինստիտուտների և կաշառակերության միջև առկա կապը
23.09.2008

2008թ. ԿԸՀ-ն վեր է հանել աղքատության, չկայացած ինստիտուտների և կաշառակերության միջև առկա կապը

2008թ. սեպտեմբերի 23-ին Երևանի ժամանակով ժամը 13:00-ին «Արմենիա Մարիոթ» հյուրանոցում տեղի է ունեցել մամուլի ասուլիս, որի ընթացքում Թրանսփարենսի Ինթերնեշնլ (ԹԻ) հակակոռուպցիոն կենտրոնի նախագահ Ամալյա Կոստանյանը ներկայացրել է ԹԻ միջազգային հակակոռուպցիոն կազմակերպության 2008թ կոռուպցիայի ընկալման համաթվի տվյալները աշխարհի և տարածաշրջանի համատեքստում, նկատվող միտումները 2008-ին, կոռուպցիայի վիճակը և ԿԸՀ շարժը Հայաստանում, իսկ փոխնախագահ Վարուժան Հոկտանյանն անդրադարձել է այլ համաթվերին և հարցումներին և Հայաստանի հետ դրանց առնչությանը:


Հավաքների մասին օրենքը` մոնիտորինգի ենթակա
15.09.2008

Հավաքների մասին օրենքը` մոնիտորինգի ենթակա

Ս. թ. սեպտեմբերի 15-ից 18-ը Թրանսփարենսի Ինթերնեշնլ հակակոռուպցիոն կենտրոնի նախագահ Ամալյա Կոստանյանը և գործադիր տնօրեն Սոնա Այվազյանը մասնակցել են Աղվերանում կայացած հավաքների ազատության մոնիտորինգի ոլորտում իրավապաշտպանների կարողությունների զարգացման քառօրյա դասընթացին: Դասընթացը կազմակերպվել էր Եվրոպայի խորհրդի, Եվրոպայի անվտանգության և համագործակցության կազմակերպության ԵԱՀԿ երևանյան գրասենյակի, ԵԱՀԿ Ժողովրդավարական հաստատությունների և մարդու իրավունքների գրասենյակի ու Հայաստանում Հելսինկյան կոմիտեի հետ համատեղ:


Քաղաքացիական հասարակությունը մասնակցել է ռազմավարության մշակմանը
12.09.2008

Քաղաքացիական հասարակությունը մասնակցել է ռազմավարության մշակմանը

Թրանսփարենսի Ինթերնեշնլ հակակոռուպցիոն կենտրոնի (ԹԻԱԿ) նախագահ Ամալյա Կոստանյանը մասնակցել և հանդես է եկել բանախոսությամբ Համաշխարհային բանկի (ՀԲ)` ս.թ. սեպտեմբերի 12-ին Կոնգրես հյուրանոցում հրավիրած «Կառավարում և հակակոռուպցիոն ռազմավարություն» թեմայով խորհրդակցությանը, որի ընթացքում հանրային երկխոսություն ծավալած քաղաքացիական հասարակության տարբեր ոլորտի ներկայացուցիչները հնարավորինս լայն մասնակցություն են ապահովել Համաշխարհային բանկի գործունեության ծրագրի` Հայաստանի գործընկերության քառամյա ռազմավարության մշակմանը:


ԹԻՀԿ-ը դիտորդական առաքելություն է իրականացրել Երևանի Արաբկիր համայնքում
07.09.2008

ԹԻՀԿ-ը դիտորդական առաքելություն է իրականացրել Երևանի Արաբկիր համայնքում

Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) անդամներ և գործընկերներ ներկայացնող 11 դիտորդներ ս.թ. սեպտեմբերի 7-ին կայացած տեղական ինքնակառավարման մարմինների ընտրություններում Երևան քաղաքի Արաբկիր համայնքի 5 տեղամասերում հանդես են եկել դիտորդական առաքելությամբ: Դա ԹԻՀԿ-ի, որպես կազմակերպություն, դիտորդական առաքելություն իրականացնելու առաջին փորձն էր, թեև կազմակերպության առանձին ներկայացուցչներ դիտորդի կարգավիճակում հանդես են եկել թե' Հայաստանում, և թե' արտերկրում:


«Հրապարակեք, թե ինչ եք ֆինանսավորում» քարոզարշավը դոնորներին թափանցիկության կոչ է անում
04.09.2008

«Հրապարակեք, թե ինչ եք ֆինանսավորում» քարոզարշավը դոնորներին թափանցիկության կոչ է անում

Օգնության արդյունավետության վերաբերյալ գործողության Աքրայի (Գանա) օրակարգի համաձայն` «Հրապարակեք, թե ինչ եք ֆինանսավորում» քարոզարշավը դոնոր կառավարություններին կոչ է անում անհապաղ քայլեր ձեռնարկել օգնության վերաբերյալ ավելի մեծ թափանցիկություն ապահովելու ուղղությամբ: Դոնոր կառավարությունները ստանձնել են օգնության օգտագործման վերաբերյալ ապահովելու «կանոնավոր, մանրամասն և ժամանակին արված տեղեկատվություն» հրապարակելու պարտավորություն, ինչպես նաև ապահովելու ծառայությունների բաց գնումը:


Բնապահպանները մտահոգված են ՀՀ իշխանությունների վարած քաղաքականությամբ
03.09.2008

Բնապահպանները մտահոգված են ՀՀ իշխանությունների վարած քաղաքականությամբ

Ս. թ. սեպտեմբերի 3-ին Ուրբաթ ակումբում հրավիրված մամուլի ասուլիսի ընթացքում մի շարք ՀԿ-ներ և անկախ փորձագետներ իրենց դժգոհությունը հայտնեցին ՀՀ իշխանությունների կողմից ներկայումս վարվող բնապահպանական քաղաքականության ու դրա հնարավոր հետևանքների վերաբերյալ: Բանախոսները մասնավորապես անդրադարձան Երևանի Նուբարաշենի աղբի վերամշակման ծրագրի իրականացման խոչընդոտներին և Սևանա լճից կատարվող չհիմնավորված բացթողումներին, Թեղուտի անտառների վերացմանն ու Երևանում զանազան օբյեկտներ կառուցելու համար պարբերաբար կատարվող ծառահատումներին:


Մեկշաբաթյա քարոզարշավը սկսվել է
19.08.2008

Մեկշաբաթյա քարոզարշավը սկսվել է

Ս.թ. օգոստոսի 19-ից 21-ը բնապահպանական վտանգ սպառնացող խնդիրներով մտահոգ քաղաքացիական հասարակության մի քանի տասնյակ ներկայացուցիչներ ՀՀ Ազգային ժողովի դիմաց բողոքի ցույց էին կազմակերպել ընդդեմ ՀՀ կառավարության օրենսդրական նախաձեռնության, որով նախատեսվում է Սևանա լճից ջրի բացթողումների ծավալն ավելացնել մինչև 360 մլն. խոր. մետր: Կառավարության ներկայացրած «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան և համալիր ծրագրերը հաստատելու մասին» ՀՀ օրենքի նախագիծը քննարկվել և ի վերջո ընդունվել է ՀՀ Ազգային ժողովի արտահերթ նիստում:


ՀՀ իշխանությունների վերջին հակակոռուպցիոն գործունեությունը «Տեսակետների խաչմերուկ» ծրագրում
09.08.2008

ՀՀ իշխանությունների վերջին հակակոռուպցիոն գործունեությունը «Տեսակետների խաչմերուկ» ծրագրում

Ս.թ. օգոստոսի 9-ին «Ազատություն» ռադիոկայանով հեռարձակվող «Տեսակետների խաչմերուկ» ծրագրի հյուրերն էին ԹԻՀԿ նախագահ Ամալյա Կոստանյանը և ՀՀ ԱԺ պատգամավոր Հերմինե Նաղդալյանը: Աննա Իսրայելյանի վարած հաղորդումն անդրադարձել է վերջին ամիսների ընթացքում կոռուպցիայի դեմ ՀՀ իշխանությունների պայքարին, որն ուղեկցվել է միջին կամ ստորին օղակի չինովնիկի, իրավապահի ձերբակալմամբ` փորձելով պարզել, թե արդյոք դա կոռուպցիայի դեմ իրական պայքարի սկիզբ է, թե՞ հմուտ PR ակցիա:


«Տեղեկատվության ազատության մասին» օրենքը որպես հակակոռուպցիոն գործիք
28.07.2008

«Տեղեկատվության ազատության մասին» օրենքը որպես հակակոռուպցիոն գործիք

ԹԻՀԿ փոխնախագահ Վարուժան Հոկտանյանը ս.թ. հուլիսի 28-ին Վանաձորում, իսկ հունիսի 29-ին Իջևանում կայացած «Տեղեկատվության ազատության մասին» օրենքը որպես հակակոռուպցիոն գործիք քննարկմանը հանդես է եկել կոռուպցիայի վերաբերյալ զեկուցումով: Քննարկման ընթացքում այլ հարցերի թվում արծարծվել են կոռուպցիայի մակարդակը Հայաստանում և ՀՀ իշխանությունների և քաղաքացիական հասարակության ջանքերը կոռուպցիայի նվազեցման գործում:


Կոռուպցիայի վերաբերյալ հաղորդում ուղիղ եթերով
26.07.2008

Կոռուպցիայի վերաբերյալ հաղորդում ուղիղ եթերով

Ս.թ. հուլիսի 26-ին ԹԻՀԿ նախագահ Ամալյա Կոստանյանը «Շիրակ» հանրային հեռուստառադիոընկերության «Դուք եթերում եք» ուղիղ եթերով հեռարձակվող հեռուստահաղորդման ընթացքում հանդես է եկել որպես հակակոռուպցիոն հարցերի գծով փորձագետ: Կրթության գծով փորձագետների հետ մեկտեղ Ամալյա Կոստանյանը պատասխանել է հաղորդավարի, հեռուստադիտողների և Գյումրիի կենտրոնից իրենց հետ ուղիղ միացմամբ կապված մարդկանց հարցերին: