Գլխավոր էջ Մրցույթի և աշխատանքի հրավերների արխիվ

Մրցույթի և աշխատանքի հրավերների արխիվ

14.05.2019

Կամավորի աշխատանք ԹԻՀԿ հաղորդակցության թիմում

Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) փնտրում է հաղորդակցության և հանրային կապերով (PR) հետաքրքրված երիտասարդի, ով ցանկանում է կիրառել իր գիտելիքները և պրակտիկ հմտությունները՝ աշխատելով կոռուպցիայի դեմ պայքարում առաջատար և հեղինակավոր կազմակերպության պրոֆեսիոնալ թիմի հետ։ Նախընտրելի թեկնածուն պետք է լինի նախաձեռնող և ճշտապահ, օժտված լինի կազմակերպչական և թիմային աշխատանքի հմտություններով, ունենա գրավոր և բանավոր հաղորդակցման կարողություններ։


09.04.2019

Հակակոռուպցիոն դպրոցի ընդունելությունը սկսված է

«Պահանջատեր հասարակություն՝ հանուն պատասխանատու կառավարման» ծրագիրը հայտարարում է Հակակոռուպցիոն դպրոցի ընդունելություն, որի նպատակն է երիտասարդներին գիտելիքներ տրամադրել կոռուպցիայի, դրա տեսակների, քաղաքական, տնտեսական, սոցիալական ոլորտներում առկա կոռուպցիոն ռիսկերի ու դրանց հետևանքների, աշխարհում և Հայաստանում կոռուպցիայի դեմ պայքարին ուղղված քայլերի մասին:


21.03.2019

«ՔՀԿ չափիչ» հարցաթերթը լրացնելու հրավեր

Հրավիրում ենք քաղաքացիական հասարակության կազմակերպություններին (ՔՀԿ) մասնակցելու ՔՀԿ նպաստավոր միջավայրի ուսումնասիրության շրջանակներում իրականացվող հարցմանը։ Հարցումն իրականացվում է Արևելյան գործընկերության տարածաշրջանի բոլոր վեց երկրներում՝ Եվրամիության կողմից ֆինանսավորվող «Առաջընթացի դիտարկում, գործողության խրախուսում» ծրագրի շրջանակներում։ Հայաստանում հետազոտությունն անցկացվում է Թրանսփարենսի Ինթերնեշնլ հակակոռուպցիոն կենտրոնի կողմից: Հավաքագրված տվյալները կօգտագործվեն Հայաստանում քաղաքացիական հասարակության միջավայրը գնահատելու և համապատասխան զեկույցը մշակելու համար: Խնդրում ենք լրացնել հարցաթերթը՝ այցելելով հետևյալ հղումով՝ https://kwiksurveys.com/s/TwkqsLWu։ Հարցումը կտևի մոտավորապես 20-30 րոպե:


14.03.2019

ՀՀ հանրակրթական դպրոցների նյութատեխնիկական և սանիտարահիգիենիկ չափանիշների վերաբերյալ մոնիտորինգի նախնական զեկույցի ներկայացում-քննարկում

Ժուռնալիստների «Ասպարեզ» ակումբը (ԺԱԱ) «Թրանսփարենսի Ինթերնեշնլ հակակոռուպցիոն կենտրոն» ՀԿ-ի հետ համատեղ՝ ԱՄՆ ՄԶԳ աջակցությամբ, «Պահանջատեր հասարակություն  հանուն պատասխանատու կառավարման» ծրագրի շրջանակում, իրականացրել է ՀՀ հանրակրթական դպրոցների նյութատեխնիկական և սանիտարահիգիենիկ չափանիշների վերաբերյալ մոնիտորինգ։ Այժմ բոլոր մարզկենտրոններում կազմակերպվում են վերոնշյալ մոնիտորինգի նախնական զեկույցի քննարկումներ, որոնց նպատակն է՝ լսել շահագրգիռ կողմերի նկատառումներն ու առաջարկները, որոնք ապագայում կներառվեն վերջնական զեկույցում։ Քննարկումները տեղի կունենան բոլոր մարզկենտրոններում ԺԱԱ հիմնած քաղաքացիական երիտասարդական կենտրոններում:


08.03.2019

«Թրանսփարենսի Ինթերնեշնլ օրինավորության միջազգային դպրոց»-ի ընդունելությունը սկսված է

«Յոթօրյա ինտենսիվ ծրագրի միջոցով «Թրանսփարենսի Ինթերնեշնլ օրինավորության միջազգային դպրոց»-ի սաները ծանոթանում են կոռուպցիայի դեմ պայքարի և հաշվետվողականության ոլորտում վերջին զարգացումներին»,- պատմում  է ԹԻՀԿ կրթական ծրագրերի համակարգող Տաթևիկ Բարսեղյանը: Տաթևիկը 2016թ. մասնակցել է Վիլնյուսի դպրոցի դասընթացներին:


15.02.2019

Ուղևորափոխադրման ծառայությունների ձեռք բերման բաց մրցույթի հրավեր

Դուք հրավիրվում եք մասնակցելու ուղևորափոխադրման ծառայությունների ձեռք բերման բաց մրցույթի՝ ներկայացնելով գնառաջարկ նախահաշվի ձևով.
Տեխնիկական բնութագիրը և պահանջվող քանակները, ինչպես նաև, սույն գնումների առանձնահատուկ պայմանները տրված են Հավելված 1-ում։
Դուք կարող եք գնառաջարկ ներկայացնել սույն հրավերում նշված ցանկացած Լոտի համար կամ ամբողջ տեսականու համար` կախված ապրանքի կամ ծառայության տեսակից:
Ձեր գնառաջարկը պետք է ներկայացվի առանձին փակ և կնքված ծրարով, որի վրա պետք է հստակ նշված լինի` կազմակերպության անվանումը, հասցեն, հեռախոսահամար(ներ)ը, էլ. փոստը, մրցույթի կոդը:


07.02.2019

Դահլիճների և հյուրանոցային սենյակների վարձակալության բաց մրցույթի հրավեր

Դուք հրավիրվում եք մասնակցելու դահլիճների և հյուրանոցային սենյակների վարձակալության բաց մրցույթին՝  ներկայացնելով Գնառաջարկ նախահաշվի ձևով: Տեխնիկական բնութագիրը և պահանջվող քանակները, ինչպես նաև, սույն գնումների առանձնահատուկ պայմանները տրված են Հավելված 4.1-ում։ Ձեր գնառաջարկի փաթեթը  պետք է առձեռն ներկայացնել հետևյալ հասցեով, «Թրանսփարենսի Ինթերնեշնլ հակակոռրուպցիոն կենտրոն» ՀԿ,ՀՀ, ք. Երևան 0002, Սարյան 12 փողոց 5-րդ հարկ, մինչև  15 փետրվարի 2019թ., ժ.18:00: Տեխնիկական բնութագիրը և պահանջվող քանակները, ինչպես նաև, սույն գնումների առանձնահատուկ պայմանները տրված են Հավելված 4.1-ում։ Դուք կարող եք գնառաջարկ ներկայացնել սույն հրավերում ցանկացած Լոտի համար[1]՝ կամ ամբողջ տեսականու համար[2]՝ կախված ապրանքի կամ ծառայության տեսակից: